Bakıda Azərbaycan Respublikası Atçılıq Federasiyasının (ARAF) təşkilatçılığı ilə ümummilli lider Heydər Əliyevin 100 illik yubileyinə həsr olunmuş Milli Atçılıq Festivalı başa çatıb. Bu haqda bu gün, 9 noyabr tarixində Bakuplus.az ARAF-yə istinadən məlumat verir.
Festival çərçivəsində çövkən üzrə dünya çempionatı baş tutub.
Dünən final oyununda Azərbaycan komandası Mərakeş komandasına qalib gələrək (4:0) dünya kubokunun sahibi olub. Polşa komandası Özbəkistan millisi ilə mübarizədə üstün olaraq üçüncü yeri tutub.
Çempionatın bombardiri 6 qolla Tərlan Qurbanaliyev elan edilib.
Sonda 4, 5, və 6-cı yerin sahiblərinə çempionatda iştirak etdiklərinə görə təşəkkürnamə, ilk 3 yerin qalibinə ardıcıllıqla qızıl, gümüş və bürünc medallar, həmçinin Fəxri Diplom, final oyununun qalibi olan milli yığmamıza isə Dünya Çempionatının kuboku təqdim edilib.
[caption id="attachment_119277" align="alignnone" width="640"]
Foto ARAF[/caption]
