Azərbaycanlı FİFA hakimi Əliyar Ağayev UEFA Avropa Liqasının oyununa təyinat alıb. Bu haqda bu gün, 1 avqust tarixində Bakuplus.az APA-ya istinadən xəbər verir.
Əliyar Ağayev Avropa Liqasının III təsnifat mərhələsinin ilk oyunu – “Panevejis” (Litva) – “Makkabi” (İsrail) matçını idarə edəcək.
Ona Zeynal Zeynalov və Akif Əmirəli köməklik göstərəcəklər. Dördüncü hakim funksiyasını Kamal Umudlu yerinə yetirəcək. Elçin Məsiyev isə matça AVAR kimi təyinat alıb.
Matç avqustun 8-də Bakı vaxtı ilə saat 21:00-da Panevejis şəhərində yerləşən “Aukştaytiya” stadionunda baş tuatacaq.
