Bakıda 14 avqust - 1 sentyabr tarixlərində keçiriləcək atıcılıq üzrə dünya çempionatında iştirak etmək üçün 104 ölkədən 1260 idmançı qeydiyyatdan keçib. Bu haqda bu gün, 25 iyul tarixində Bakuplus.az Report-a istinadən məlumat verir.
İdmançılar 55 növdə medallar uğrunda mübarizə aparacaqlar. Onlardan 12-si fərdi növdə olacaq. Hər fərdi növdə 4 atıcı Parisdəki Yay Olimpiya Oyunlarına lisenziya qazanacaq.
Həmçinin məlum olub ki, çempionatın loqosu, medalları və maskotu təqdim olunub. Çempionatın maskotu “Targy” adlanacaq. Bu ad ingilis dilindən tərcümədə “hədəf” mənasını verən “target” sözündən götürülüb.
