Bakıda 22-23 iyul tarixlərində atçılıq idman növünün konkurs yarışları üzrə turnir keçiriləcək. Bu haqda 20 iyul tarixində Bakuplus.az məlumat verir.
Bakı Dövlət Cıdır Meydanında yeniyetmə və gənclər arasında "26 iyul Gənclər və İdman Nazirliyinin yaranması günü"nə həsr olunmuş atçılıq idmanı üzrə Bakı şəhər turniri təşkil olunacaq. Maneələr A* və M* kateqoriyaları üzrə təşkil olunacaq, baryerlərin hündürlüyü 70-80 sm və 90-105 sm təyin olunacaq.
Yarışlar saat 10:00-da başlayacaq. Tədbir Gənclər və İdman Nazirliyi, Azərbaycan Respublikası Atçılıq Federasiyası və Azərbaycan Respublikası Milli Olimpiya Komitəsi tərəfindən təşkil olunur.
