Fövqəladə Hallar Nazirliyinin İdman-sağlamlıq klubunda oktyabrın 13-də gənclər arasında “Koreya səfiri kuboku” keçiriləcək. Bu haqda bu gün, 12 oktyabr tarixində Bakuplus.az Azərbaycan Taekvondo Federasiyasına (ATF) istinadən xəbər verir.
Turnirdə 150-dək 14-16 yaşlı taekvondoçu 10 dəst medal uğrunda mübarizə aparacaq. Oğlanlar 48 kq, 55 kq, 63 kq, 73 kq, +73 kq, qızlar isə 44 kq, 49 kq, 55 kq, 63 kq və +63 kq çəki dərəcələrində qalibi müəyyənləşdirəcəklər.
Mükafatçılar ATF və Koreya Respublikası səfirliyinin təsis etdiyi kubok, diplom, medallar və qiymətli hədiyyələrlə mükafatlandırılacaqlar.
Yarış ATF-nin və Koreya Respublikasının ölkəmizdəki səfirliyinin təşkilatçılığı və dəstəyi ilə baş tutacaq.
