Bakıda fevralın 23-25-i aralığında batut gimnastikası və tamblinq üzrə Dünya Kuboku keçiriləcək. Bu haqda bu gün, 16 yanvar tarixində Bakuplus.az Azərbaycan Gimnastika Federasiyasının (AGF) Mətbuat Xidmətinə istinadən xəbər verir.
İdman tədbiri üçün paytaxta 33 ölkədən iştirakçılar gələcəklər. Dünya Kubokunda Azərbaycan millisi ilə yanaşı, Argentina, Avstraliya, Avstriya, Belçika, Braziliya, Bolqarıstan, Kanada, Kolumbiya, Çexiya, Danimarka, Fransa, Gürcüstan, Almaniya, Böyük Britaniya, Yunanıstan, İrlandiya, İtaliya, Yaponiya, Qazaxıstan, Latviya, Meksika, Niderland, Yeni Zelandiya, Çin, Polşa, Portuqaliya, Cənubi Afrika, İspaniya, Türkiyə, Ukrayna, ABŞ və Özbəkistan gimnastları mübarizə aparacaqlar.
Həmin yarışda yüksək nəticə göstərən idmançılar Paris Yay Olimpiya Oyunlarında iştirak etməyə vəsiqə qazanacaqlar.
