Bakının İdman Tennis Kompleksində 29 oktyabr 2022-ci il tarixində, saat 11:00-da açıq havada idman tədbiri keçiriləcək. Bu haqda bu gün, 27 oktyabr tarixində Bakuplus.az məlumat verir.
Vətən Müharibəsi Qəhrəmanı, şəhid baş leytenant Azad Hümbətovun xatirəsinə həsr edilmiş tədbir Nərimanov Rayon Gənclər və İdman İdarəsi və İdman Tennis Kompleksi tərəfindən keçirilir.
Gün ərzində böyük tennis və şahmat üzrə yarışların keçirilməsi, karate, boks, taekvondo, gimnastika, alpaqut-turan döyüş sənəti idman növləri üzrə nümunəvi çıxışların göstərilməsi nəzərdə tutulub.
