Bakı İdman Sarayında keçiriləcək yunan-Roma güləşi üzrə Dünya Kubokuna hazırlıqlar davam edir. Bu haqda BakuPlus.az Report-a istinadən bu gün, 27 oktyabr tarixində xəbər verir.
Azərbaycan Güləş Federasiyasının mətbuat katibi Sərxan Musalı jurnalistlərə açıqlamasında bildirib ki, Azərbaycan daha əvvəl sərbəst güləş üzrə belə mötəbər yarışı qəbul etmişdisə, “klassik növ” üzrə bu, ilk olacaq:
“Son bir aydır ki, təşkilati işlər davam edir. Bu gündən isə Bakı İdman Sarayında tikinti-quruculuq işlərinə başlayırıq. İlk olaraq İdman Sarayını güləş yarışları üçün uyğun hala gətirəcəyik. Yəni güləş xalçaları quraşdırılacaq. Daha sonra isə digər texniki qurğular, detallar hazırlanacaq. Böyük monitorlar, bilbordlar və digər lazımi ləvazimatlar yerləşdiriləcək”.
Noyabrın 5-6-da baş tutacaq Dünya Kubokuna biletlərin 25 faizi satılıb, satışda 1100 bilet qalıb.
[caption id="attachment_76683" align="alignnone" width="640"]
Foto Report.az saytı[/caption]
