Bu həftə Bakıda keçiriləcək idman tədbirləri açıqlanıb. Bu haqda bu gün, 24 iyul tarixində Bakuplus.az Gənclər və İdman Nazirliyinə istinadən xəbər verir.
24-30 iyul tarixləri arası keçiriləcək tədbirlər aşağıdakılardır:
- Şahmat üzrə FIDE Dünya Kuboku - 29 iyul - 25 avqust (Bakı);
- "Taekvondo hamı üçün” devizi altında yeniyetmə və gənclər üçün məşğələ - 27 iyul saat 10:00 (Maştağa İstirahət Parkı);
- Beynəlxalq qrosmeysterlər Zeynəb və Türkan Məmmədyarovaların iştirakı ilə gənc şahmatçılar üçün seans - 24 iyul saat 12:00 (Xəzər Gənclər Evi);
- "İdman həyatdır" adlı ustad dərsləri çərçivəsində həvəskar yeniyetmə və gənclərlə məşğələlərin keçirilməsi - 24-26 iyul saat 18:00-20:00 (Dənizkənarı Milli Park);
- Vətən müharibəsinin şəhidi Mehdi Fərzullazadənin xatirəsinə həsr olunmuş uşaq, yeniyetmə və gənclər arasında yunan-Roma güləşi üzrə ənənəvi xatirə turniri - 27 iyul saat 10:00 (Suraxanı rayonu, 208 saylı tam orta məktəb).
