Bakıda keçirilən “Qarabağ” - “Bayer” oyunu qonaqların qələbəsi ilə bitib. Bu haqda bu gün, 10 noyabr tarixində Bakuplus.az xəbər verir.
UEFA Avropa Liqasının qrup mərhələsi matçı Tofiq Bəhramov adına Respublika stadionunda keçirilib. “Köhlən atlılar” oyun boyu əzmkarlıq göstərsələr də, qarşılaşmanın son dəqiqələrində Maksim Medvedev cərimə meydançasında əllə oynayıb. 11 metrlik zərbəni rəqib komandanın futbolçusu Viktor Bonifase qola çevirməyi bacarıb.
Hazırda “Qarabağ” 6 xalla qrupda 2-ci yerdə qərarlaşıb. Onun ən yaxın rəqibi eyni xala malik “Molde”dir.
