İyulun 20-də paytaxtda cüdo üzrə “Ne-vaza” ACF Kuboku keçiriləcək. Bu haqda bu gün, 19 iyul tarixində Bakuplus.az Azərbaycan Cüdo Federasiyasına istinadən xəbər verir.
Yarış ilk dəfə 18 yaşa qədər yeniyetmələr arasında keçiriləcək. “Ne-waza” bilik və bacarıqları idmançılara görüşlər zamanı yerdə (parterdə) texnikalarını inkişaf etdirməyə və təkmilləşdirməyə kömək edir.
Turnirdə 21 müxtəlif klub, cəmiyyət və idman təşkilatından 100-dən çox cüdoçu iştirak edəcək.
İdman tədbiri Azərbaycan Cüdo Federasiyasının (ACF) təşkilatçılığı ilə Şağan Olimpiya İdman Kompleksində baş tutacaq. Yarışda oğlanlar arasında 8 çəki dərəcəsində qaliblər bəlli olacaq.
Arenaya giriş sərbəstdir.
