Kanoe və Avarçəkmə Federasiyası (AKAF) Xəzər dənizində test yürüşü keçirib. Bu haqda bu gün, 5 dekabr tarixində Bakuplus.az federasiyaya istinadən xəbər verir.
Federasiyadan bildirilir ki, yaxın gələcəkdə Xəzər dənizində avarçəkmə üzrə müxtəlif təlim-məşq toplanışları və yarışların təşkili planlaşdırılır.
“Paytaxtda əhalinin daha çox olması nəzərə alınaraq bu addım atılıb”, - deyə qurumdan əlavə edilib.
Azərbaycanda avarçəkmə idmanı ilə peşəkar səviyyədə 1930-cu illərin sonlarından məhz Xəzər dənizində məşğul olunmağa başlanıb. O dövrdə Bakı buxtasında yarışan avarçəkənlərin mübarizəsini dənizkənarı bulvardan müşahidə etmək mümkün olurdu.
[caption id="attachment_81793" align="alignnone" width="896"] FotoKanoe və Avarçəkmə Federasiyasının Facebook səhifəsi[/caption]
