“FIFA series – Edition 2024” turniri ilə bağlı millilərin Bakıya gəlmə tarixi açıqlanıb. Bu haqda bu gün, 18 mart tarixində Bakuplus.az Report-a istinadən xəbər verir.
Azərbaycan Futbol Federasiyaları Assosiasiyasının mətbuat xidmətinin rəhbəri Elnur Məmmədlinin verdiyi məlumata əsasən, Tanzaniya millisi bu gün paytaxta gələcək. Monqolustan və Bolqarıstan komandaları isə 19 mart tarixində Bakıda olacaqlar.
“Rəqib komandaların azarkeşlərinin Bakıya gəlmək ehtimalı yoxdur. Mümkün olarsa, həmin ölkələrin Azərbaycandakı səfirliklərinin əməkdaşları və ya ölkəmizdə yaşayan vətəndaşları gəlib matçları izləyə bilərlər", – deyə o əlavə edib.
Biletlərin satışı barədə hələki məlumat yoxdur.
Azərbaycan millisi “FIFA series – Edition 2024" turniri çərçivəsində 22 mart Monqolustanla, 25 mart isə Bolqarıstanla qarşılaşacaq.
