Bakıdan olan boksçu İtaliyada keçirilən yarışda növbəti qələbəsini qazanıb. Bu haqda bu gün, 9 mart tarixində Bakuplus.az Azərbaycan Boks Federasiyasına istinadən xəbər verir.
Ümid Rüstəmov İtaliyanın Busto Arsizio şəhərində keçirilən I Dünya Olimpiya Təsnifat Turnirində 2-ci qələbəsini qazanıb. O, 57 kq çəki dərəcəsində 1/16 finalda Keniyadan olan Bakari Hassanı məğlub edib.
Rüstəmov hər 3 raundu qazanaraq ümumilikdə 5:0 hesabı ilə qalib gəlib. Növbəti görüş 10 mart tarixində baş tutacaq. Boksçumuz 1/8 finalda tacikistanlı Asror Vohidovla üz-üzə gələcək.
