“Formula 1” pilotu Bakı haqqında fikirlərini bölüşüb.
Bakuplus.az "Gpblog" nəşrinə istinadən xəbər verir ki, “Formula 1" üzrə dünya çempionatında çıxış edən "Haas" komandasının pilotu Oliver Berman həftəsonu təşkil olunacaq Azərbaycan Qran-prisi ilə bağlı danışıb.
Kevin Maqnusseni əvəzləyəcək 19 yaşlı britaniyalı sürücü "Formula 1"də mübarizə aparacağı üçün həyəcanlı olduğunu, Bakı Şəhər Halqasının ən çox sevdiyi treklərdən biri olduğunu söyləyib. O, Bakıdakı trekin çətin olduğunu da vurğulayıb.
Azərbaycan Qran-prisi sentyabrın 13-15-i aralığında baş tutacaq. Oliver Berman 2023-cü ildə ölkəmizdə keçirilən "Formula 2" yarışının qalibi olub.
