Şahmat üzrə Dünya kuboku davam edir. Bu haqda bu gün, 4 avqust tarixində Bakuplus.az Şahmat Federasiyasına istinadən xəbər verir.
Teymur Rəcəbov Macarıstan təmsilçisi Viktor Erdoş ilə oyunda qələbə qazanaraq III mərhələyə vəsiqə qazanıb. Xanım şahmatçılarımızdan isə Ülviyyə Fətəliyeva Polşalı Monika Soçkonu məğlub etməyi bacarıb.
Şəhriyyar Məmmədyarov isə növbəti mərhələyə keçə bilməyib. O, Sinqapurlu rəqibi Tin Jinqaoya məğlub olaraq yarışla vidalaşıb.
Vüqar Əsədli mübarizəni Yan Nepomnyaşi ilə görüşdə dayandırıb. Misrəddin İskəndərov Aydın Süleymanlı və Vasif Durarbəyli, qadınların yarışında isə Günay Məmmədzadə, Gövhər Beydullayeva və Gülnar Məmmədova növbəti mərhələyə keçə bilməyiblər.
Nicat Abasov, Eltac Səfərli, Rauf Məmmədov, Qədir Hüseynov və Abdulla Qədimbəyli həlledici mərhələdə çıxış edəcəklər.
[caption id="attachment_108380" align="alignnone" width="640"]
Foto FİDE[/caption]
