Bakıda keçirilən idman gimnastikası üzrə Dünya Kubokunda daha üç növdə qaliblər müəyyənləşib. Bu haqda bu gün, 11 mart tarixində Report məlumat verib.
Paralel qollarda kişilərin yarışını Filippin təmsilçisi Karlos Edriel Yulo qazanıb. İkinci yeri ukraynalı İliya Kovtun, üçüncü yeri isə fransalı Ley-Kameron Bernard tutublar.
Qadınların dayaqlı tullanma yarışlarında birinci yeri Fransa təmsilçisi Kolin Devilard, ikinci yeri Özbəkistan təmsilçisi Oksana Çusovitina, üçüncü yeri isə Çin gimnastı Limmin Yu tutublar.
Kişilər arasında sərbəst hərəkətlərdə Qazaxıstan təmsilçisi Milad Kərimi çempion olub. Ukraynalı İliya Kovtun və ABŞ təmsilçisi Rili Ruus isə ikinci və üçüncü yerlərdə qərarlaşıblar.
Müxtəlif hündürlüklü qolla qadınların yarışında çinli Qiyuan Qiu qızıl medal qazanıb. Gümüş medala italiyalı Giorgiya Vilya, bürünc medala isə Niderland təmsilçisi Sanna Verman yiyələniblər.
Azərbaycan gimnastı Nikita Simonov halqalarla Dünya Kubokunun qalibi olub.
Dünya Kubokunun ilk final gününün qalibləri mükafatlandırılıblar.
