Bakıdan olan futbol hakimi Çempionlar Liqasının matçına təyinat alıb. Bu haqda bu gün, 31 oktyabr tarixində Bakuplus.az Futbol Federasiyaları Assosiasiyasına istinadən xəbər verir.
35 yaşlı Əliyar Ağayev Danimarkanın "Kopenhagen" və Almaniyanın "Borussiya Dortmund" klubları arasında oyunu idarə edəcək.
Zeynal Zeynalov və Akif Əmrəli yan xətdə olacaqlar, 4-cü hakim vəzifəsini isə Kamal Umudlu yerinə yetirəcək.
Oyun 2 noyabr tarixində Danimarkada yerləşən “Parken” stadionunda Bakı vaxtı ilə saat 00:00-da baş tutacaq.
