Azərbaycan Qran-prisinə 2000-dən çox könüllünün cəlb olunması gözlənilir.
Bakuplus.az Bakı Şəhər Halqasın istinadən xəbər verir ki, Bakıda keçiriləcək yarışla bağlı könüllülərin hazırlığı davam edir.
Təlimlərdə gənclərin yarışa yüksək hazırlığı ilə yanaşı, onların şəxsi inkişafına da xüsusi diqqət göstərilir. Burada könüllülər yaradıcı və lateral düşüncə, karyera planlaşdırılması, müxtəliflik və inteqrasiya mövzularında panel müzakirələrdə, intellektual oyunlarda fəal iştirak edirlər.
Təlimlər bir neçə mərhələdən ibarət olmaqla iştirakçıların peşəkar bacarıqlarını inkişaf etdirir, eyni zamanda onlara yeni biliklər qazandırır.
Cari il “Formula 1”də iştirak üçün 4 gün ərzində 16.000-dən çox namizəd müraciət edib. Yarışa qatılan könüllülərin sırasında 100-dən çoxu dünyanın fərqli qitələrindən müraciət edən xarici ölkə vətəndaşlarıdır
Azərbaycan Qran-prisi 13-15 sentyabr tarixlərində keçiriləcək.
