Fövqəladə Hallar Nazirliyinin İdman Sağlamlıq Mərkəzində yanvarın 13-də 21 yaşa gədər gənc cüdoçular arasında Bakı şəhər birinciliyi baş tutacaq. Bu haqda bu gün, 12 yanvar tarixində Bakuplus.az Cüdo Federasiyasına istinadən xəbər verir.
İdman tədbirində Bakının 35 müxtəlif klub, cəmiyyət və idman təşkilatından 196 cüdoçu medallar uğrunda mübarizə aparacaq. Yarışda yaxşı nəticə göstərən idmançılar müvafiq yaş qrupu üzrə Azərbaycan birinciliyində iştirak edəcəklər.
Yarış Azərbaycan Cüdo Federasiyası və Bakı Şəhər Gənclər və İdman İdarəsinin birgə təşkilatçılığı ilə keçiriləcək.
