Bakıda kiçikyaşlı yeniyetmələr arasında cüdo üzrə ölkə birinciliyi keçiriləcək. Bu haqda bu gün, 30 may tarixində Bakuplus.az Azərbaycan Cüdo Federasiyasına istinadən xəbər verir.
Turnir 15 yaşa qədər yeniyetmə oğlan və qızlar arasında təşkil olunacaq. Yarışda qızlar və oğlanlar arasında 20 çəki dərəcəsində qaliblər bəlli olacaq, ümumilikdə isə 800-ə yaxın idmançı medallar uğrunda mübarizə aparacaq.
Tədbir 31 may - 3 iyun tarixlərində Hövsan qəsəbəsində yerləşən Fövqəladə Hallar Nazirliyinin (FHN) İdman Sağlamlıq Mərkəzində baş tutacaq. Arenaya giriş sərbəstdir.
