Sabiq "Formula 1" pilotu Timo Qlok 28-30 aprel tarixlərində Bakıda baş tutacaq “Formula 1” yarışı ilə bağlı "Sky Sport Germany" nəşrinə açıqlama verib. Bu haqda bu gün, 4 aprel tarixində Report məlumat verib.
"İnanıram ki, "Red Bull" Bakıda digər komandalardan daha üstün olacaq", - 41 yaşlı keçmiş sürücü deyib. Pilot Azərbaycan Qran Prisində daha çox döngənin və DRS effektinin işə düşdüyü uzun düzlüklərin olduğunu bildirib.
Hazırda Konstruktorlar Kubokunda "Red Bull" 123 xalla liderdir. "Aston Martin" 65 xalla ikinci, "Mercedes" 56 xalla üçüncü pillədə qərarlaşıb.
