Sentyabrda keçiriləcək Ümumdünya Şahmat Olimpiadasında iştirak edəcək Azərbaycan milli komandalarının tərkibi müəyyənləşib. Bu haqda bu gün, 8 iyul tarixində Bakuplus.az Qafqazinfo-ya istinadən xəbər verir.
Budapeşt şəhərində baş tutan olimpiadada kişi şahmatçılardan ibarət milli komandada Şəhriyar Məmmədyarov, Rauf Məmmədov, Nicat Abasov, Aydın Süleymanlı və Məhəmməd Muradlı iştirak edəcəklər. Kapitan Teymur Rəcəbov seçilib.
Qadın şahmatçılardan ibarət milli komandada isə Günay Məmmədzadə, Gövhər Beydullayeva, Xanım Balacayeva, Ülviyyə Fətəliyeva və Gülnar Məmmədova medallar uğrunda mübarizə aparacaqlar. Kapitan Mixail Şerevski olacaq.
Şahmat Olimpiadası sentyabrın 10-dan 23-dək keçiriləcək.
