Nərimanov rayonunda 24 iyul saat 10:00-da gimnastika idman növü üzrə tədbir keçiriləcək. Bu haqda 20 iyul tarixində Bakuplus.az məlumat verir.
Kütlə arasında gimnastika idman növünün təbliği, idmana marağın artırılması, sağlam həyat tərzinə çağırış, asudə vaxtının səmərəli təşkili məqsədilə Atatürk pr., 37 ünvanında "Gimnastika hamı üçün" tədbiri keçiriləcək. Tədbir Nərimanov Rayon Gənclər və İdman İdarəsinin təşkilatçılığı ilə baş tutacaq.
İstənilən yaş kateqoriyasından olan insanlar gimnastika mütəxəssislərinin rəhbərliyi altında keçiriləcək proqrama kütləvi şəkildə qoşularaq isinmə və gimnastika hərəkətlərini yerinə yetirə bilərlər.
Tədbirin sonunda iştirakçılara sertifikatlar təqdim ediləcək. İştirak etmək üçün əvvəlcədən qeydiyyatdan keçmək lazımdır.
