"Neftçi"nin "sükanı arxasına" keçən Samir Abasov komandadaxili ab-havanı düzəltmək üçün ilk növbədə kapitan məsələsini həll etməyə çalışır. Sport24.az məlumat yayıb ki, 46 yaşlı mütəxəssis yığmalarda olan futbolçuların düşərgəyə qayıtmasını gözləyir.
Komandanın hazırkı və sabiq kapitanları Ramil Şeydayev və Emin Mahmudov artıq komandaya qoşulsalar da, legionerlər hələ ki, düşərgəyə qayıtmayıblar. Kollektiv bir araya gəldikdən sonra bazubəndin kimin qoluna taxılacağı müəyyənləşəcək.
Məlumata görə, Abasov ümumiyyətlə, nə Ramilin, nə də Eminin xətrinə dəyməmək üçün yeni kapitanın seçilməsinin tərəfdarıdır.
