Bakıda keçirilən şahmat üzrə Dünya kubokunda azərbaycanlı şahmatçı Nicat Abasov üçüncü yer uğrunda cavab görüşünü ABŞ təmsilçisi Fabiano Karuana ilə keçirir. Bu haqda bu gün, 23 avqust tarixində Bakuplus.az məlumat verir.
Ötən gün Fabiano Karuana ilə aparılan mübarizədə Abasov qalib gəlib. Hazırda Karuana dünya reytinqində 3-cü yeri, 28 yaşlı Abasov isə 97-ci yeri tutur.
Finalda isə Maqnus Karlsen (Norveç) və Rameşbaba Praqnanandha (Hindistan) qarşılaşacaqlar. Onların arasında ilk oyun heç-heçə başa çatıb. Bu gün ikinci keçirilən oyun da heç-heçə başa çatıb.
Dünya Kubokunun üç mükafatçısı Namizədlər Turnirində oynamaq hüququ qazanacaq.
