Parisdə keçirilən Yay Olimpiya Oyunlarında qızıl medallar qazanan çüdoçular evə qayıdırlar. Bu haqda bu gün, 3 avqust tarixində Bakuplus.az Qafqazinfo-ya istinadən məlumat verir.
Fransadan qayıdan idmançılar 4 avqust saat 05:15-də Heydər Əliyev Beynəlxalq Hava Limanına gələcəklər.
Hidayət Heydərov (-73 kq) və Zelim Kotsoyev (-100 kq) Paris–2024 Yay Olimpiya Oyunlarında qızıl medal qazanıblar. Azərbaycan cüdo üzrə yarışlarda 2 qızıl medal qazanaraq ümumi hesabda və kişilər arasında ikinci yeri tutub.
