Bakıda “İdman həftəsi” başlayıb. Bu haqda bu gün, 29 fevral tarixində Bakuplus.az Gənclər və İdman İdarəsinə istinadən xəbər verir.
29 fevral - 5 mart tarixləri arasında “İdman həftəsi” çərçivəsində keçiriləcək tədbirlər aşağıdakı kimidir:
- 29 fevral saat 11:00-da Nizami rayonunda “Stolüstü tennis” üzrə rayon turniri;
- 1 mart saat 10:00-da Xəzər Gənclər Evində “Şahmat turniri” və saat 14:00-da Binəqədi rayonunda “Şən startlar” əyləncəli idman oyunu;
- 3 mart saat 10:00-da “Azfar” stadionunda “Ultimate Frisbee” üzrə Xəzər rayon turniri;
- 4 mart saat 10:00-da Binəqədi rayonunda “Şahmat üzrə turnir” və saat 11:00-da Pirallahı rayonunda atletika üzrə rayon turniri;
- 5 mart 121 nömrəli tam orta məktəbdə Xəzər rayon müəllimlər arasında voleybol turniri, həmçinin Hövsanda Olimpiya İdman Kompleksində idman paradı.
