Batut Gimnastikası üzrə 8-ci açıq Azərbaycan çempionatı və açıq Bakı birinciliyi baş tutacaq. Bu haqda bu gün, 9 yanvar tarixində Bakuplus.az Azərbaycan Gimnastika Federasiyasına istinadən məlumat verir.
Bakı Olimpiya İdman Kompleksində keçiriləcək yarışda 110-dək idmançı mübarizə aparacaq. Birinciliyə “Ocaq Sport” Klubu, Bakı Gimnastika Məktəbinin təmsilçiləri, Qazaxıstan, Latviya, Sloveniya və Gürcüstanın batut gimnastikası üzrə milli komandalarının üzvləri, eləcə də “Şevardeni” və Batumi klublarının gimnastları da qoşulacaqlar.
Yarış fevralın 15-də saat 10:00-da, 16-da isə saat 12:00-da başlayacaq.
Qiyməti 5 manat olan biletləri şəhərin kassalarından və onlayn əldə etmək mümkündür.
[URIS id=129189]
