Fövqəladə Hallar Nazirliyinin (FHN) İdman Sağlamlıq Mərkəzində 7-9 noyabr aralığında 18 yaşa qədər yeniyetmə cüdoçular arasında Bakı çempionatı keçiriləcək. Bu haqda bu gün, 6 noyabr tarixində Bakuplus.az Cüdo Federasiyasına istinadən xəbər verir.
Yarışda Bakının 66 müxtəlif klub, cəmiyyət və idman təşkilatından 795 cüdoçu 18 çəki dərəcəsində mübarizə aparacaq. İdman tədbirində yaxşı nəticə göstərən cüdoçular gələn il baş tutacaq Azərbaycan birinciliyində iştirak edəcəklər.
Çempionat Azərbaycan Cüdo Federasiyası və Bakı Şəhər Gənclər və İdman İdarəsinin birgə təşkilatçılığı ilə baş tutacaq.
Noyabrın 2 və 3-də Fövqəladə Hallar Nazirliyinin (FHN) İdman Sağlamlıq Mərkəzində kişilər və qadınlar arasında cüdo üzrə Bakı şəhər çempionatı baş tutub.
