“Səbail” Futbol Klubunun qol seriyası qırılıb. Bu haqda bu gün, 27 noyabr tarixində Bakuplus.az Peşəkar Futbol Liqasına istinadən xəbər verir.
Belə ki, Azərbaycan Premyer Liqasında mövsümün ilk 13 oyununda meydanı qolsuz tərk etməyən "dənizçilər" “Kəpəz”in qapısından top keçirə bilməyiblər. XIV turun matçı qolsuz heç-heçə ilə başa çatıb.
Bakı təmsilçiləri əvvəlki 13 görüşdə 22 qola imza atıblar. Bu kateqoriyada klub son 23 mövsümün rekordunu təkrarlayıb.
Çempionat tarixində yalnız 2 komanda daha uzun seriyaya sahibdir. “Kəpəz” 1993/94 və “Neftçi” 2000/01 mövsümlərində startda ardıcıl 14 oyunda qol vurmağa nail olub.
