“Səbail” Futbol Klubunun futbolçusu xəstəxanadan evə buraxılacaq. Bu haqda bu gün, 14 noyabr tarixində Bakuplus.az Report-a istinadən xəbər verir.
Klub rəsmisi məlumat verib ki, hücumçu Ağabala Ramazanov özünü çox yaxşı hiss edir. Futbolçu 2-3 gündən sonra evə buraxılacaq və evdə onun üçün müalicə kursu tətbiq ediləcək.
Azərbaycan Premyer Liqasının XII turunda keçirilən “Səbail” - “Turan Tovuz” oyununda Ağabala Ramazanov rəqiblə toqquşduqdan sonra huşunu itirmişdi. Tibbi heyətin köməyindən sonra futbolçu xəstəxanaya çatdırılmışdı.
Matç “Səbail”in 2:1 hesablı qələbəsi ilə yekunlaşmışdı.
