Xankəndidən yola düşən atletlər artıq ilk məntəqəyə çatmağa başlayıblar.
83 km məsafəni ilk qət edən Elmir Əskərov olub. O, 6 saat 52 dəqiqəyə Yevlaxa çatıb. Ağa Əliyev məntəqəyə 2-ci, Elman Abışov isə 3-cü pillədə çatıblar.
İdmançılar daha sonra Yevlax – Ucar (84 km), Ucar – Hacıqabul (88 km), Hacıqabul – Qobustan (70 km) və Qobustan – Bakı (55 km) mərhələlərini keçməklə, 4 mart tarixində Bakıya çatacaqlar.
09:50 - Xankəndidən Bakıya qaçışa start verilib
Xankəndi - Bakı ultramarafonu başlayıb. Bu haqda bu gün, 29 fevral tarixində Bakuplus.az Report-a istinadən xəbər verir.
“Qürurla irəli” şüarı ilə ilk dəfə keçirilən yarışda 64 idmançı iştirak edir. Onlardan 5-i Türkiyə, 4-ü Meksika və 1 nəfər Moldova təmsilçiləridir. Xankəndi şəhərindən qaçışa başlayan idmançıların ilk məntəqəsi 83 km-dən sonra Yevlax olacaq.
İştirakçılar ümumilikdə Bakıya qədər 380 km qət etməlidirlər.
