“Neftçi” Futbol Mərkəzinin yeni təmir olunmuş binası oyunçuların ixtiyarına verilib. Bu haqda bu gün, 2 avqust tarixində Bakuplus.az kluba istinadən xəbər verir.
İdman qurğusunda müasir avadanlıqlarla təchiz olunmuş trenajor zalı, eləcə də istirahət otağı mövcuddur. İdman bazasının yeni təmirdən çıxan yeməkxana, paltardəyişmə və digər otaqları da var.
"Neftçi" yeni baş məşqçi Roman Qriqorçukun rəhbərliyi altında Azərbaycan Premyer Liqasının I turunda "Turan Tovuz"la qarşılaşacaq. "Neftçi Arena"dakı matç 3 avqust tarixində saat 18:30-da start götürəcək.
