Bakı İstintaq təcridxanasına narkotik və psixotrop maddələrin keçirilməsi cəhdlərinin qarşısı alınıb. Bu haqda 24 noyabr tarixində APA xəbər verib.
Qəsdən adam öldürmə maddəsi ilə həbs olunmuş Samit Munasinqheyin anası Bakı şəhər sakini Olina Munasinqhe oğluna sovqatın içində narkotik gətirib. Dolmanın içində sellofan bükülülərdə 2,952 qram tiryək və 1,472 qram metamfetamin aşkar olunub.
Daha bir oxşar hadisə qadın təcridxanasında baş verib. Qəsdən adam öldürmə maddəsi ilə 11 il 6 ay azadlıqdan məhrum edilmiş Canbulad Hüseynovaya dostu Bakı şəhər sakini Kamran Mustafayev tərəfindən gətirilmiş sovqata baxış keçirilərkən orada narkotik aşkar olunub. Orada olan kəllə qəndin içərisində xüsusi üsulla yonularaq gizlədilmiş sellofan bükülülərdə ümumi çəkisi 0,420 qram heroin və ü 0,412 qram metamfetamin tapılıb.
Hər iki faktla bağlı araşdırma aparılır.
