Azərbaycan Texniki Universitetinin əməkdaşı rüşvətə görə təqsirləndirilən Kifayət Quliyevaya hökm oxunub. Bu haqda 25 noyabr tarixində Report xəbər verib.
Universitetinin Tədris hissəsinə dispetçer və mütəxəssis vəzifəsində işləmiş K.Quliyeva 2019-cu ildə kəsr imtahanlarda məqbul qiymətlər almaq üçün tələbələrdən rüşvət alıb. Hüquq-mühafizə orqanlara gələn şikayət nəticəsində Quliyeva saxlanılıb və istintaqa cəlb olunub. İstintaq zamanı o, günahını boynuna alıb və tələbələrdən aldığı pulları geri qaytarıb.
Bakı Ağır Cinayətlər Məhkəməsində Quliyeva Cinayət Məcəlləsinin “Rüşvət verməyə təhrik etmə” maddəsi ilə 5 il müddətinə azadlıqdan məhrum edilib. Onun barəsində “Hamilə qadınlar və azyaşlı uşaqları olan şəxslər tərəfindən cəzanın çəkilməsinin təxirə salınması” maddəsi tətbiq edilməklə, himayəsində olan 6 yaşlı övladı 14 yaşına çatanadək cəzanın çəkilməsi təxirə salınıb. Onun barəsində seçilmiş polisin nəzarəti altına vermə qətimkan tədbiri hökm qanuni qüvvəyə minənədək dəyişdirilməyib.
