Bakıda adam bıçaqlayan yeniyetmənin məhkəməsi bitib. Bu haqda bu gün, 2 may tarixində Bakuplus.az Oxu.az-a istinadən xəbər verir.
17 yaşlı Naqif Bayramova (ad, soyad şərtidir) şərti cəza verilib və o, yetkinlik yaşına çatana qədər nəzarət altında qalacaq.
Hadisə ötən ilin noyabr ayında baş verib. N.Bayramov, onun qohumu Həsən Qafarzadə (ad, soyad şərtidir) Xaliq Xaliqovun (ad, soyad şərtidir) evində yeyib-içiblər. Daha sonra Həsən spirtli içki içmədiyinə görə Xaliqə qarşı nalayiq ifadələr işlədib. Buna görə də ev yiyəsi Həsəni evdən qovub.
Naqif ev yiyəsinin hərəkətlərindən narazı olduğunu bildirərək öncə şüşə stəkanla Xaliqin başından vurub, daha sonra bıçaqla Xaliqə 1 zərbə endirib.
Naqif Bayramov Buzovna qəsəbəsində yerləşən 5 saylı peşə məktəbində oxuyurdu.
