Bakıda yol vermək üstündə sürücülər arasında düşən davanın təfərrüatları məlum olub. Bu haqda bu gün, 12 dekabr tarixində Bakuplus.az Qafqazinfo-ya istinadən xəbər verir.
Döyülən Vurğun Əbilovun anası Kəmalə Yusifovanın sözlərinə görə, onun oğlunu döyən şəxs “Range Rover” markalı avtomobilin sürücüsü olub.
"Range Rover" oğlumun arxasında imiş, siqnal verib ki, yol ver. Oğlum da əli ilə işarə edib ki, qarşıda tıxacdır. Həmin sürücü də gəlib küt alətlə oğlumun burnundan, sonra alnından vurub. Həmin vaxt maşında Vurğunun həyat yoldaşı və başqa bir qadın da olub. Hazırda Vurğun "Semaşko"da müalicə alır. Sağ gözü torlanıb, beyni silkələnib”, - deyə K.Yusifova əlavə edib.
9 dekabr tarixində Vətən müharibəsi iştirakçısının küt alətlə döyüldüyü barədə məlumat verilmişdir.
