Paytaxt ərazisi və Abşeron rayonunda apteklərə girərək dələduzluq edən 2 nəfər saxlanılıb. Bu haqda bu gün, 20 dekabr tarixində Daxili İşlər Nazirliyinin mətbuat xidməti məlumat yayıb.
Bakı şəhər sakinləri Arif Məmmədov və Xaliq Rəhimov apteklərə girərək, güya dövlət qurumlarının əməkdaşı olduqlarını bildiriblər. Onlar müəssisə rəhbərlərindən cərimə olunmamaqları üçün 1000 manat pul tələb ediblər.
Şübhəli şəxslər saxlanılıblar. Faktla bağlı araşdırma aparılır.
