“Telegram” sosial şəbəkəsi vasitəsilə dələduzluq edən 3 nəfər paytaxt sakinləri saxlanılıb. Bu haqda bu gün, 9 dekabr tarixində Daxili İşlər Nazirliyinin mətbuat xidməti məlumat yayıb.
Pərviz Qurbanov, Faiq Səfərəliyev və yetkinlik yaşına çatmayan daha bir nəfər teleqram kanallarında müxtəlif şəxslərin video və şəkillərini paylaşıb, daha sonra pul qarşılığında onları silirdilər.
Şübhəli şəxslər barəsində cinayət işi açılıb. İki nəfər barəsində araşdırmalar aparılır. Faiq Səfərəliyev isə 4 ay müddətinə həbs olunub.
Oxşar yöntəmlərlə insanları şantaj edən digər adminlərin müəyyən edilməsi üçün əməliyyatlar davam edir.
