Birləşmiş Ərəb Əmirlikləri (BƏƏ) vətəndaşı iddia edir ki, Bakıda 24 yaşlı qız onun 300 min manata yaxın pulunu mənimsəyib. Bu haqda Qafqazinfo.az bu gün, 25 dekabr tarixində məlumat verib.
Bununla əlaqədar BƏƏ vətəndaşı 44 yaşlı Ahmed Abdulla Mohammed Alaqbaş Alhebsi polisə ərizə ilə müraciət edib.
Onun sözlərinə görə, 2019-cu ilin fevral ayından 2021-ci ilin iyul ayına kimi Bakı şəhər sakini, 24 yaşlı S.A.-ya 277 min manat pul verib. Alhebsi açıqlamasında bildirib ki, S.A. onu müxtəlif vədlərlə aldadıb və pulu qaytarmayıb.
Faktla bağlı araşdırma aparılır.
