Bakının Binəqədi rayonunda 2 evdən məişət əşyaları və neft qurğularının elektrik avadanlıqlarını oğurlamaqda şübhəli bilinən şəxs saxlanılıb. Bu haqda bu gün, 16 dekabr tarixində Bakuplus.az Daxli İşlər Nazirliyinin (DİN) mətbuat xidmətinə istinadən məlumat verir.
Binəqədi Rayon Polis İdarəsinin 43-cü Polis Bölməsinin əməkdaşları tərəfindən aparılan əməliyyat tədbirləri nəticəsində əvvəllər məhkum olunmuş Elşən Əşrəfov tutulub.
Toplanılan materiallar istintaqa təqdim olunub. Elşən Əşrəfovun əməllərindən zərər çəkən başqa vətəndaşlar varsa, polisə müraciət edə bilərlər.
