Bakıda qadın taksi sürücüsü tərəfindən sıxışdırılıb. Bu haqda Report 3 dekabr tarixində xəbər verib.
Hər şey paytaxtda fəaliyyət göstərən taksilərdən birinin sürücüsünün qadın sərnişinə çay içmək təklifi ilə başlayıb. Təklifinə rədd cavabı alan sürücü təkidlə xanımın fikrini dəyişdirməyə çalışıb.
Sürücünün təkrar-təkrar xanımı qısnaması qadının narazılığına səbəb olub.
Daxili İşlər Nazirliyinin Mətbuat Xidmətinin şöbə rəisi, polis mayoru Elşad Hacıyev bildirib ki, görüntülər araşdırılıb.
O qeyd edib ki, həmin taksi sürücüsü müəyyən edilərək saxlanılıb: "Onun barəsində qanunvericiliyə uyğun olaraq, müvafiq tədbirlərin görülməsi təmin edilib”.
