Bakı Metropoliteninin “Xalqlar Dostluğu” stansiyasında su xətti partlayıb. Bu haqda Xəzər Xəbər məlumat yayıb.
Nasazlıq platformanın tavanının üstündən xidməti otaqlar üçün çəkilən daxili kommunikasiya xətlərində baş verib.
Hadisə istirahət gününə düşdüyündən stansiyada sıxlıq yaranmayıb. Problem qısa müddətdə aradan qaldırılıb.
“Yəni evimizdə su borusu necə partlayırsa, bu da onun kimi partlayıb. Belə hallar tez-tez olur,”- deyə qurumun mətbuat katibi Bəxtiyar Məmmədov bildirib.
