“Yanardağ” Dövlət Tarix-Mədəniyyət və Təbiət Qoruğunun anbarından sentyabr ayının 29-dan oktyabr ayının 29-dək olan müddətdə 23.000 manat dəyərinə elektron avadanlıq və məişət avadanlıqları oğurlanıb. Polis əməkdaşları tərəfindən şübhəli bilinən şəxslər saxlanılıb.
Oğurluq hadisəsi ilə yanaşı, qoruğda olan 8000 manat məbləğində mebelə də maddi ziyan dəyib.
Polis əməkdaşları tərəfindən Məhəmmədi kənd sakinləri, əvvəllər oğurluq, qəsdən sağlamlığa ağır zərərvurma və narkotiklərlə əlaqəli cinayətlərə görə məhkum olunmuş - G.Əliyev və Q.Qasımov saxlanılıb. Faktla bağlı araşdırma aparılır.
