Sosial şəbəkədə tanış olduğu şəxsləri xaricdə işə düzəltmək adı ilə aldadan şəxs saxlanılıb. Bu haqda 17 noyabr tarixində Bakuplus.az Daxili İşlər Nazirliyinə istinadən xəbər verir.
Sosial şəbəkədə Lənkəran rayonunun Siyavar kənd sakini olan bir nəfər Bakı şəhər sakini Anar Rzayevlə tanış olub. Anar həmin şəxsə onu işə düzəltməyi təklif edib və ondan 3500 manat pul istəyib. Lənkəran sakini pulu Anarın kart hesabına köçürdükdən sonra isə dələduz itib.
Lənkəran Şəhər Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində həmin dələduzluq əməlini törətməkdə şübhəli bilinən Anar Rzayev saxlanılıb. Araşdırma zamanı məlum olub ki, Anar 3 nəfər Lənkəran sakininə qarşı dələduzluq edib. Rzayev həmin şəxslərin etibarından sui-istifadə edərək müxtəlif məbləğlərdə pullarını xaricdə işə düzəlmək adı ilə alaraq mənimsəyib.
Məhkəmənin qərarı ilə həmin şəxs barəsində həbs qətimkan tədbiri seçilib.
Faktla bağlı araşdırma aparılır.
