Bakı-Sumqayıt qatarını daşqalaq edib şüşələrini sındıran azyaşlılar saxlanılıblar. Bu haqda 10 noyabr tarixində Oxu.az xəbər verib.
Bakı-Sumqayıt xətti ilə hərəkət edən elektrik sürət qatarı Sumqayıt-Novxanı dayanacaqları arasında hərəkətdə olan zaman nəqliyyat vasitəsinə kənardan daş atılıb. Nəticədə qatara maddi ziyan dəyib, sərnişinlərin ciddi narahatçılığına səbəb olub, onların həyatı üçün təhlükə yaranıb. Polisin apardığı axtarış nəticəsində məlum olub ki, xuliqanlıq əməlini 4 azyaşlı uşaqdır. Valideynlərinin iştirakı və razılığı ilə izahat alınıb və onlar törətdikləri hadisələri etiraf ediblər.
Hadisə törədən şəxslərin valideynləri ilə profilaktik söhbətlər aparılıb və övladları üzərində nəzarətin gücləndirməsi tövsiyə edilib. Faktla bağlı araşdırma davam edir.
[URIS id=13639]
