Binəqədi rayonu, 28 May qəsəbəsində buzlu yolda idarəetməni itirən sürücü avtomobilini transformatora çarpıb. Bu haqda bu gün, 9 yanvar tarixində Bakuplus.az məlumat verir.
Hadisə sosial şəbəkələrdə birmənalı qarşılamayıb. Vətəndaşların sözlərinə görə, yaşayış evlərinin yaxınlığında yerləşən transformatorlar insanlara təhlükə saçır.
"Azərişıq" ASC-nin mətbuat xidmətinin rəhbəri Vaqif Aydınoğlu bildirib ki, transformator artıq təmir olunub və insanlar üçün təhlükəli deyil.
"Transformator qapalı tiplidir. Belə transformatorların ətrafında çəpər olmamalıdır. Bununla belə çəpər də qoyulub. Elektrik xətləri və transformatorlar şəhərsalmanın planına uyğun olaraq yerləşdirilir. Bu vətəndaşın istəyi ilə tənzimlənir. O ki qaldı təhlükə məsələsinə, bu vətəndaşlar üçün tam təhlükəsizdir", - deyə Aydınoğlu əlavə edib.
[video width="640" height="352" mp4="https://bakuplus.az/storage/photos/2023/01/143240_360p.mp41.mp4"][/video]
