Paytaxtın Binəqədi rayonunda yaşayış evi yanıb. Bu haqda bu gün, 5 yanvar tarixində Bakuplus.az Fövqəladə Hallar Nazirliyinə istinadən xəbər verir.
Ümumi sahəsi 110 kv.m olan birmərtəbəli 3 otaqlı evin 1 otağı 15 kv.m sahədə alışıb. Alov tikiliyə bitişik və ümumi sahəsi 60 kv.m olan digər birmərtəbəli evə keçib. Nəticədə həmin evin tavanı 30 kv.m sahədə kül olub. Evlərin digər hissələri və ətraf infrastruktura ziyan dəyməyib.
Hadisə yerinə FHN-in əməkdaşları cəlb olunublar. Yanğın söndürülüb.
