Kürdəmirdə dəmir yolu xəttindən oğurluq edən qardaşlar saxlanılıblar. Bu haqda 13 dekabr tarixində APA xəbər verib.
Avqustun 21-dən 24-dək olan müddətdə Kürdəmir rayonunda silsilə oğurluq hadisələri baş verib. Sığırlı dəmir yolu xəttindən 200 metr dirəklərarası naqil, Padar-Qarasu dəmir yolu xəttindən 180 metr tros və Pirsaat-Hacıqabul dəmir yolu xəttindən 50 metr tros oğurlanıb.
Polisin keçirdiyi əməliyyat-axtarış tədbirləri nəticəsində Bakı şəhər sakinləri, əvvəllər məhkum olunmuş A.Mövlanov və qardaşı saxlanılıblar. İstintaq zamanı müəyyən olunub ki, onlar oğurladığları əşyaları Biləcəri qəsəbəsində metal qəbulu məntəqəsində satıblar.
Faktla bağlı araşdırma aparılır.
